quoniam impletum est tempus et adpropinquavit regnum Dei paenitemini et credite evangelio

ambulans recto itinere et timens Deum despicitur ab eo qui infami graditur via

est via quae videtur homini iusta novissima autem eius deducunt ad mortem

et dices ad eos haec dicit Dominus numquid qui cadet non resurget et qui aversus est non revertetur

et dixerunt filii populi tui non est aequi ponderis via Domini et ipsorum via iniusta est

et quo ego vado scitis et viam scitis
dicit ei Thomas Domine nescimus quo vadis et quomodo possumus viam scire
dicit ei Iesus ego sum via et veritas et vita nemo venit ad Patrem nisi per me

intrate per angustam portam quia lata porta et spatiosa via quae ducit ad perditionem et multi sunt qui intrant per eam
quam angusta porta et arta via quae ducit ad vitam et pauci sunt qui inveniunt eam

et cognoscetis veritatem et veritas liberabit vos

paenitemini igitur et convertimini ut deleantur vestra peccata ut cum venerint tempora refrigerii a conspectu Domini et miserit eum qui praedicatus est vobis Iesum Christum

testes invoco hodie caelum et terram quod proposuerim vobis vitam et mortem bonum et malum benedictionem et maledictionem elige ergo vitam ut et tu vivas et semen tuum